Sagafilm slær met með 29 tilnefningum til Edduverðlauna
Aldrei áður hefur eitt framleiðslufyrirtæki fengið jafnmargar tilnefningar til Edduverðlauna fyrir verkefni sín en Sagafilm í ár.
Verkefni þess eru tilnefnd til að minnsta kosti einna verðlauna í 16 af 22 flokkum sem Íslenska kvikmynda og sjónvarpsakademían veitir verðlaun fyrir. Djásnin í krúnu Sagafilm verða líklega að teljast kvikmyndin Bjarnfreðarson og sjónvarpsþáttaröðin Fangavakt en myndin er tilnefnd til 11 verðlauna og þáttaröðin til 13. Bjarnfreðarson og Fangavaktin deila 6 tilnefningum í flokkum leikara, búninga og leikstjórnar.
Ástríður, í leikstjórn Silju Hauksdóttur, með Ilmi Kristjánsdóttur í aðalhlutverki fékk 5 tilnefningar og Réttur í leikstjórn Sævars Guðmundssonar hlaut 4. Auk þessara verkefna hlaut stuttmyndin Epic Feil eftir Ragnar Agnarsson tilnefningu sem stuttmynd ársins og Logi í Beinni fékk tilnefningu fyrir skemmtiþátt ársins.
"Þetta er búið að vera ótrúlega gott ár fyrir okkur, þrátt fyrir allt sem á hefur gengið" segir Kjartan Þórðarson framkvæmdastjóri Sagafilm. "Við framleiddum uppáhalds bíómynd Íslendinga þetta árið auk þess sem flestir skrifaðir sjónvarpsþættir okkar eru tilnefndir til margra verðlauna. Gæði innsendinga hefur líklega sjaldan verið meiri enda bransinn búinn að taka stakkaskiptum á síðastliðnum árum og við stöndum stolt með okkar framleiðslu sem við teljum í dag vera komna á heimsmælikvarða".
Listi yfir tilnefningar Sagafilm er hér að neðan
1. Bjarnfreðarson
Kvikmynd ársins
Leikkona ársins Margrét Helga Jóhannsdóttir
Leikari ársins Jón Gnarr
Leikari ársins Jörundur Ragnarsson
Leikari ársins Pétur Jóhann Sigfússon
Handrit ársins Jóhann Ævar Grímsson, Jón Gnarr, Jörundur Ragnarsson, Pétur Jóhann Sigfússon og Ragnar Bragason
Kvikmyndataka ársins Bergsteinn Björgúlfsson
Leikmynd ársins Júlía Embla Katrínardóttir og Sveinn Viðar Hjartarson
Búningar ársins Helga Rós V Hannam
Gervi ársins Áslaug Dröfn Sigurðardóttir
Leikstjóri ársins Ragnar Bragason
2 Ástríður
Leikið Sjónvarpsefni ársins
Leikkona ársins Ilmur Kristjánsdóttir
Meðleikkona ársins Þóra Karítas Árnadóttir
Meðleikari ársins Rúnar Freyr Gíslason
Handrit ársins: Ilmur Kristjánsdóttir, Katla Margrét Þorgeirsdóttir, Sigurjón Kjartansson og Silja Hauksdóttir
3 Fangavaktin
Leikið Sjónvarpsefni ársins
Leikkona ársins Margrét Helga Jóhannsdóttir
Leikari ársins Jón Gnarr
Leikari ársins Jörundur Ragnarsson
Leikari ársins Pétur Jóhann Sigfússon
Meðleikari ársins Björn Thors
Meðleikari ársins Gunnar Hansson
Meðleikari ársins Ólafur Darri Ólafsson
Handrit ársins Jóhann Ævar Grímsson, Jón Gnarr, Jörundur Ragnarsson, Pétur Jóhann Sigfússon og Ragnar Bragason
Leikmynd ársins Sveinn Viðar Hjartarson og Júlía Embla Katrínardóttir
Búningar ársins Helga Rós V Hannam
Klipping ársins Sverrir Kristjánsson og Guðni Halldórsson
Leikstjóri ársins Ragnar Bragason
4 Réttur
Leikið Sjónvarpsefni ársins
Leikkona ársins Jóhanna Vigdís Arnardóttir
Leikar ársins Magnús Jónsson
Meðleikkona ársins Tinna Gunnlaugsdóttir
5 Epic Fail
Stuttmynd ársins
6 Logi í beinni
Skemmtiþáttur ársins
Published: 08.02.2010 14:32
|