Sagafilm

Tuborg tónar

Tuborg hefur sinn eigin hljóm samkvæmt nýrri auglýsingu, sem Sagafilm hefur nýverið framleitt um bjórinn sívinsæla, Tuborg.

Auglýsingin hefur hlotið nafnið Söngvarinn og er tekin upp í Félagsgarði, sem er félagsheimili Ungmennafélagsins Drengs í Kjós. Staðurinn var áður miðpunktur félagslífsins og veisluhalda á svæðinu og auglýsingin bregður upp mynd af tíð, sem er okkur horfin og hvað getur gerst þegar Tuborg söngvarinn breytir um stíl. Hljómsveitin Úlpa með söngkonunar Jöru í fararbroddi leikur fyrir veislugesti, sem eru rúmlega 40 talsins og allir yfir sjötugt.

Við komum inn í hefðbundna veislu, gæti verið fermingarveisla með mörgum veisluréttum. Maturinn var eldaður á staðnum fyrir upptökuna. Gestirnir eru í sælkerastuði og sinna engu öðru en matnum, láta tónlistina alveg fram hjá sér fara. Með smá hjálp frá Tuborg heppnast söngvaranum að hleypa fjöri í veisluna og andrúmsloftið breytist til hins óvænta.

Melissa Silverman er leikstjóri og Víðir tökumaður.