Heiti síðu
Og Guð skapaði morðKvikmynd í fullri lengd, sem er á framleiðsluáætlun ársins. Myrkar hliðar mannlífsins rammaðar inn í bjartar sumarnætur norðursins þar sem söguþráðurinn berst um hálendi Íslands og vefst inn í margbreytilegt mannlíf borgarinnar. Miðaldra kona er myrt og dauði hennar látin líta út sem sjálfsmorð. Dóttir konunnar hefur sjálfstæða rannsókn á dauða móðurinnar og lífi hennar í leit að sakamanninum. Hún kemst á snoðir um meira en hana hafði órað fyrir, þar á meðal áratuga gömul leyndarmál, misnotkun og aðstæður, sem leiða hana á braut réttra foreldra. Kristrún er stödd uppi á jökli við upptökur á heimildarmynd þegar hún fær símtal sem breytir lífinu svo um munar. Bróðir hennar, Þór, er í símanum og færir þær fréttir að móðir þeirra systkina, Hildur, hafi framið sjálfsmorð. Kristrún flýtir sér í bæinn og kemur að bróður sínum og mágkonu, sem eru önnum kafin við að fara í gegnum eigur móðurinnar. Það er hverjum ljóst að systkinunum kemur ekki vel saman og Þór Kristrún er þrungin sektarkennd og heldur í líkhúsið þar sem hún krefst þess að fá að sjá móður sína látna. Síðar sama dag finnur hún bréf frá föður sínum, sem hún hefur aldrei kynnst. Bréfið er stílað á móðurina og þar segist faðirinn vera á leið til Íslands eftir meira en þrjátíu ára fjarveru. Ástæða endurkomunnar er bréf, sem Kristrún hafði sent honum og var uppspretta rifrildis þeirra mæðgna. Kristrún hefur átt við andleg veikindi að stríða og hefur verið inn og út af stofnunum. Af þeirri ástæðu hefur hún misst forræði yfir dóttur sinni, Birtu sem er 13 ára. Tegund: Drama, kvikmynd í fullri lengd |